Informazio praktikoa | Nork eros dezake MERCABILBAOn

Nork eros dezake MERCABILBAOn

• Xehekari guztiek eta haien elkarteek eta kateek.
• Edozein motako erakundeek eta erkidegoek.
• Kontsumo ekonomatoek eta kooperatibek.
• Merkatuan ez dauden handizkariek, bertan daudenek –baimena dutenean–, eta esportatzaileek.
• Ikastegiek, osasun-zentroek eta ostalaritzako enpresek.
• Mercabilbaoren baimena duten banakakoek nahiz pertsona juridikoek.

Erosleen eskubideak

• Mercabilbao-ren erabiltzaile-karneta jasotzea, betiere eskatzen diren baldintzak betetzen badira.
• Finkatuta dagoen ordutegian merkaturako irispidea izatea.
• Ibilgailua Mercabilbao-ren esparruan aparkatu ahal izatea, horretarako adierazita dauden tokietan.
• Elikagaien Unitatean erabilgarri dauden zerbitzuak (bideak, espazio komunak, birpisatzeko baskula-zerbitzua, komunak), eta kafetegiak, jantokiak, banketxeak eta gainerako merkataritza-establezimenduak erabili ahal izatea.
• Egindako erosketen ordainagiria jasotzea.
• Higiene eta Sanitateko agintarien aurrean (Udalaren Albaitaritzako Ikuskaritza) honako alor hauekin zerikusia duten erreklamazioak egin ahal izatea: merkantzien pisu falta, tipifikazioa, normalizazioa, ontziratzea, kalitate eta mota desberdintasuna edo egoera, merkatutik atera aurretik eta erosketa-txartela erakutsita, eta ikuskatzailearen jarduerari buruzko txostena jaso ahal izatea.
• Zerbitzu Prestazioari edo/eta Funtzionamenduari buruzko Udal Araudia urratzen denean Mercabilbao jakinaren gainean jartzea.
• Aurreko lerroaldean ezarritakoa betetzeko, Zaintza-zerbitzuaren laguntza eskatzea.
• Zerbitzuaren arloan, dagozkion aldaketen berri jasotzea eta, ordezkari baten bidez, Gizarte Aholkularitzarako Batzordean entzuna izatea.
• Erositako merkantziak jaso eta bere saltegiraino eramatea.

Erosleen betebeharrak

• Erositako merkantzia zehaztutako epeetan jasotzea.
• Merkatuan egindako merkataritza-eragiketei dagokienez, merkatuko administrazioari eskatzen dituen datu guztiak ematea.
• Mercabilbaoko langileei karneta edo baimena erakustea, eskatzen dioten beste aldiz.
• Sarrerari, aparkalekuei, bide-seinalizazioei eta ibilgailuek esparruan eman dezaketen denborari buruz indarrean dagoen araudia betetzea.
• Zirkulazio-kodeari arreta eginez, esparru osoan 20 km/h-ko abiadura-muga errespetatzea.
• Mercabilbaoko jardueretarako zehaztutako ordutegia errespetatzea.
• Higieneari eta sanitateari dagozkien arauak betetzea.
• Albaitaritzako ikuskaritza, hozkailu-biltegiak, pisaketak eta gainerako zerbitzuak erabiltzeko finkatutako dauden tarifak ordaintzea.
• Hondakinak biltzeari, esparruan animalia biziak egoteari eta hondakinak jasotzeko zehaztuta ez dauden tokietan gauzak uzteri buruz dauden debekuak errespetatzea.
• Hondakinak uzteko, eremu komunetan dauden edukiontziak erabiltzea.
• Aurretik egindako erosketen ontzi hutsak handizkariei ematea, edo horretarako prestatuta dauden tokietan uztea.