Prensa y publicaciones | Notas de prensa | MERCABILBAOK 2020AN SORTUTAKO HONDAKIN GUZTIEN %41 BIRZIKLATU DU

MERCABILBAOK 2020AN SORTUTAKO HONDAKIN GUZTIEN %41 BIRZIKLATU DU

Mercabilbaok aurrera jarraitzen du ingurumena modu arduratsuan eta errespetuz kudeatzeko konpromisoarekin, hondakinak gaika biltzeko estrategia eraginkorren bitartez, birziklatze-kuota handitu ahal izateko. Horrela, 2020ko urtarriletik irailera bitartean, sortzen diren hondakin guztien birziklatzearen ehuneko osoa %41ekoa izan zen, azken urteetako datuen aurrean goranzko joera erakusten duen datua. Guztira, Elikagaien Unitateko Garbiketa eta Bilketa Zerbitzuak 2.890,341 tona hondakin kudeatu zituen (2019ko epe berean baino %4,35 gutxiago), eta horietatik 1.190,4 tona ondoren birziklatzeko gaika bil daitezkeen hondakinei dagozkie (2019an baino %5,9 gehiago).

Mercabilbaon baloriza daitezkeen hondakinen artean, nabarmentzekoak dira fruta eta barazkietako materia organikoa 514,9 tonarekin (%17,8) eta egurra 510,6 tonarekin (%17,65), arrainen eta itsaskien hondakin organikoak 84,8 tonarekin (%2,9), papera eta kartoia 72,8 tonarekin (%2,5) eta poliestirenoa 7,6 tonarekin (%0,2).

Materia organikoaren bilketari dagokionez, nabarmentzekoa da COVID-19ak eragindako osasun egoerak aurreko urteetan sortzen ari zen joera aldatu duela. Hala, urtarrila eta iraila bitartean frutari eta barazkiei dagokienez, balorizatu daitezkeen hondakinak %32,4 igo dira (ohi baino ehuneko handiagoa) 2019ko aldi berarekin alderatuta. Martxoa eta apirila nabarmendu behar dira, sektore horretan merkantziak ugaritu egin direlako, konfinamendu aldian lurreko produktu gehiago kontsumitzeagatik.

Arrain eta itsaskietako materia organikoaren kasuan, datuek erakusten dute %23,3ko beherakada izan dela ondoren birziklatzeko jaso diren hondakinen bilketan, antxoaren kosteraren atzerapenak eta egungo osasun krisiaren lehen hilabeteetan ostalaritza ixteak eragindako merkaturatze txikiagoaren ondorioz.

Ildo horretan, hondakin guztien bolumena %4,35 jaitsi da 2020ko urtarrila eta iraila bitartean, iazko aldi berarekin alderatuta, egungo osasun egoerak eragindako ondorioak direla eta (lehen aipatutako arrainak eta itsaskiak, adibidez), eta baita itsas sektoretik eratorritako hondakinak ere, poliespana edo egurra, besteak beste.

Errefusari, gaika biltzen ez denari, dagokionez, orain arte 2020an 1.699,9 tona kudeatu dira, iaz baino %10,4 gutxiago. Datu positiboa da, helburua kopuru horiek murriztea baita, hondakin birziklagarrien kuota handiagoarekin. Gaur egun, oraindik ere baloriza daitekeen materia bolumen handia botatzen da masan biltzeko ontzietara, eta, ondorioz, ezin da birziklatzeko berreskuratu.

Mercabilbaok 180 edukiontziz, 9 kaiolaz eta 4 ibilgailuz hornitu ditu bere instalazioak puntu estrategikoetan, gaikako bilketarako eta hondakinen errefusa biltzeko. Balorizagarriak Berdegunera eramaten dira, eta han zentralizatzen dira hondakinak zatiki desberdinetan bereizteko lanak, ondoren kudeatzaile baimendu bati helarazteko. Lan hori guztia egunero egiten du Merkatuko Garbiketa eta Bilketa Zerbitzuak, Mercabilbao osatzen duen kolektibo osoaren lana errazteko.

Elikagaien Unitatearen ildo estrategikoetako bat hondakinak biltzeko sistema hobetzen jarraitzea da, bai baloriza daitezkeen hondakinei, bai errefusari dagokienez, ingurumenarekiko gero eta jasangarriagoa eta arduratsuagoa den merkaturantz aurrera egiteko konpromisoaren barruan. Ekintza horiek aurrera eramateko sistema egokiak kudeatzeaz gain, Mercabilbaok handizkako enpresei zuzendutako kontzientziazio-kanpainak azpimarratzen ditu, arlo horretan egunero egiten duen lana ezinbestekoa baita emaitza hobeak lortzeko.

Prentsa oharra deskargatu

Nabarmendutako gaurkotasuna

Albistea

Mercabilbaok Wifi sarea zabaldu du bere instalazioetan

Gehiago irakurri

Iragarki ofiziala

Ezohizko Bazkide Batzar Orokorra

Gehiago irakurri

Prentsa oharra

MERCABILBAOK 2020AN SORTUTAKO HONDAKIN GUZTIEN %41 BIRZIKLATU DU

Gehiago irakurri

Urteko txostena

2019 urteko txostena

Deskargatu

Sartu bideoen atalera

Ikusi bideoak

Argitalpena

2019 urteko txostena

Deskargatu

Norberaren cookieak, hirugarrenenak eta nabigazio-ohiturak aztertzekoak erabiltzen ditugu gure zerbitzuak hobetzeko informazioa biltzeko Nabigatzen jarraitzen baduzu, haien instalazioa onartzen duzu. Cookieak konfiguratu ditzakezu zure nabigatzailean, baina horrek nabigatzeko zailtasunak eragin ditzake webgunean.

Nola konfiguratu Onartu