Prentsa eta argitalpenak | Prentsa-oharrak

Prentsa-oharrak

MERCABILBAO BERE JATORRIRA ITZULIKO DA, BERE 50. URTEURRENA OSPATZEKO ERRIBERAKO MERKATUAN EGINGO DEN ARGAZKI ERAKUSKETA BATEKIN

Gaur egun hartzen duen lekuan 50. urteurrena ospatzen duen urtean, Penintsulako iparraldeko elikagaien banaketa-zentro moduan erreferente den Mercabilbao bere jatorrira itzuliko da, irailean zehar Erriberako Merkatuan argazki eta informazio erakusketa bat instalatuz (hilaren 30era arte ikusi ahal izango da). Erakusketa 10 panelek osatzen dute, eta Bilboko merkatuaren irudi historikoekin hasten da. Garai hartan handizkako arrainaren salmenta instalazioen beheko aldean zegoen, eta fruta eta barazkiak, hegaztiak eta haragia inguruan eta hurbileko Erronda kalean zeuden. Ibilbide horrek Erribera Plaza zaharraren eta haren inguruaren hasierara garamatza. Puntu horiek estrategikoak ziren Gaztelako Erresumako eta itsasoz haraindiko merkantziak merkaturatzeko. Bilboko itsasadarreko urak zeharkatuz garraiatzen ziren.

Gauzak horrela, hari narratiboak Mercabilbaok gaur egungo kokalekuan egin zituen lehenengo urteetan zentratutako panelekin jarraitzen du, 1971n eta ondorengo urteetan, hain zuzen ere. Garai hartan Arrain eta Fruta eta Barazki Merkatu Nagusiak Bilboko Erriberatik Basauriko Artunduagako zelaietara eraman ziren, duela 50 urteko maiatzean.

Erakusketak Merkatuaren mugarri suntsitzaileenarekin jarraitzen du: 1983ko uholdeekin. 80ko hamarkadan eta ondorengoetan, instalazioak suspertu egin ziren, eta, berreraikuntzarako eta modernizaziorako ahalegin, dedikazio eta baliabideei esker. Mercabilbao etorkizunerako itxaropen handiko ikuspegiarekin iritsi da 2021era. Bilboko eta inguruko eraldaketa ekonomiko eta soziala sustatzeko gai den zerbitzu-enpresa publikoa.

Ildo horretan, erakusketak elikagaien hornidura Merkatuaren plan estrategikoaren erreferentzia-puntuak ere erakusten ditu. Iraunkortasunaren eta erantzukizun sozialaren, kontsumo arduratsuaren eta elikagaien eta ingurumenaren xahuketaren aurrean duen konpromisoa; eta hurbileko merkataritzari eta ostalaritzari ematen dion laguntza, horiek direlako instalazioetan dauden handizkako enpresen bezero nagusiak eta Mercabilbaoren izateko arrazoia.

1971ko maiatzaren 3a Mercabilbaoren egutegian gorriz markatutako eguna da. Hori dela eta, 2021eko egun berean hasi zen bere urrezko ezteiak ospatzen, Merkatua Bilboko eta Bizkaiko gizarte osora hurbilduz, Bilboko Metroaren Zazpikaleetako geltokia izan zen erakusketa ibiltari horren lehen geltokia, eta lur azpiko trenbidearen hainbat geltokitan bidaiatzen jarraitu du, Erriberako Merkatuan amaitu arte.

Prentsa oharra deskargatu

MERCABILBAOK BILAKAERA POSITIBOA IZAN DU, 2021EKO LEHEN SEIHILEKOAN 135.502 TONA BAINO GEHIAGO MERKATURATU BAITITU

Mercabilbao sozietate publikoa gero eta sendoago dago Iberiar Penintsulako iparraldeko elikagai-horniduraren erreferente gisa. Urtez urte, merkaturatze-datuek hala erakusten dute. Izan ere, 2021eko urtarriletik ekainera 135.502,3 tona saldu zituen, 2020ko epe berean baino % 0,05 gutxiago eta 2019an baino % 2,37 gehiago. “Despentsa handi” horren bilakaerak modu positiboan egin du aurrera, eta goranzko aurreikuspenak ditu, 2020ko 256.690 tonatik gorako datu historiko berriekin amaitzeko.

Sektoreka, nabarmentzekoa da frutaren eta barazkien merkaturatzearen hazkundea; izan ere, 2020ko lehen seihilekoaren eta 2021aren artean salmentak % 0,17 baino jaitsi ez diren arren (aurten 124.020,6 tona merkaturatu dira), 2019arekiko igoera % 3,2koa izan da. Datu horiek berretsi egiten dute, beste behin ere, “bertako produktuen kontsumoak izan duen bilakaera, gertuko fruta-denden salmentak gora egin duelako; izan ere, aurreko urteko konfinamenduaren hasieran, pertsonek gehiago kontsumitzen zuten euren etxeetan. Ohitura hori geratzeko etorri da, herritarrek euren ‘auzoko’ saltokiek eskaintzen dituzten produktu fresko eta osasungarriak begi onez ikusten dituztelako, Mercabilbaoko handizkako enpresen kalitate-zigiluarekin”, Elikadura Unitatetik adierazi dutenez.

Arrainaren eta itsaskiaren kasuan, 2021eko urtarriletik ekainera, itsasoko produktuen merkaturatzea 11.481,6 tonakoa izan da, 2020ko epe berean baino % 1,3 handiagoa eta 2019an baino % 7,4 txikiagoa. 2020ko eta 2021eko aldi batzuetan ostalaritza itxita egon izana da 2019ko, COVID-19aren pandemiaren aurreko urteko, ondorengo datuak azaltzeko funtsezko arrazoia. Mercabilbaotik adierazten den bezala, “itsasoko produktuen salmentak behera egin du azken urtean, baina, 2020ko eta 2021eko datuak ikusita, bilakaera goranzkoa da berriro, batez ere Mercabilbaon erosten duen ostalaritza-sektorea ia osorik ireki delako (jatetxeak eta catering-zerbitzuak, batez ere) eta herritarrek konfiantzazko arrandegietara joaten jarraitzeko apustu irmoa egin dutelako.

Gehien kontsumitzen diren produktuak eta haien jatorria

Frutari dagokionez, kontsumitzaileek ohitura berberak dituzte, eta ez da ezer aldatu aurreko urteekin alderatuta: banana, laranja eta sagarra dira oraindik protagonistak. Barazkien kasuan, tomatea, letxuga eta azalorea nabarmentzen dira. Fruta eta barazki guztietatik, gehienak estatu-jatorrikoak dira (% 86 inguru), eta gainerakoak inportatuak.

Arrainari dagokionez, antxoa, legatza, txitxarroa, oilarra eta hegaluzea dira produktu nagusiak, eta itsaskiari dagokionez, muskuilua, barraskiloa eta txirla. Bizkaiko Golkoko portuek arrain freskoaren hornitzaile nagusiak izaten jarraitzen dute, Galiziaren aurretik; Galiziako portuak dira, berriz, itsaski gehiena hornitzen dutenak.

Uda, fruta hezurdun eta freskagarriaren garaia

Uda sasoian, fruta da gehien eskatzen den produktuetako bat, eta gure auzoetako fruta-dendak “hezurdun fruta” delakoaz eta udan ohikoak diren beste batzuez betetzen dira. Mercabilbaon, produktu arrakastatsuenak mertxika, nektarina, paraguaioa, meloia, sandia eta udako udareak dira.

Arrainaren kasuan, sasoi betean, hegaluzea nabarmentzen da, bere zapore eta kalitatearengatik, arrain hori baita, zalantza barik, arrandegietako protagonista.

Prentsa oharra deskargatu

MERCABILBAOK BILBOKO METROAREN GURUTZETAKO GELTOKIRA ERAMAN DU 50. URTEURRENEKO ERAKUSKETA

Mercabilbao berriro igo da Bilboko Metrora, bere 50. urteurrena ospatzen jarraitzeko. Argazki eta informazio erakusketa Gurutzetako geltokira eramango da, eta bertan ikusi ahal izango da uztailaren 31ra arte.

Erakusketak ibilbidea egiten du Elikadura Unitatearen mugarri historiko eta estrategikoetan zehar. Iberiar penintsularen iparraldeko erreferentea da, elikagaiak banatzeko duen gaitasunarengatik eta kokapen estrategikoarengatik, toki, estatu eta nazioarte mailan.

Historia duten 13 panel

13 paneleko ibilbide baten bidez, erakusketak merkatuaren jatorriaren une historikoak biltzen ditu, handizkako arrainaren salmenta Erriberako Merkatuaren behealdean eta fruta eta barazkiak inguruetan eta gertu dagoen Erronda kalean zeuden garaikoak. Bilboko itsasadarreko elikagaiak banatzeko bi gune estrategiko; bertatik nekazaritzako produktuak, barazkiak, hegaztiak, haragia eta arraina saltzen ziren. Hari narratiboak duela 50 urte Basauriko lurretan zegoen Mercabilbaoren hastapenetan zentratutako bi panelekin jarraitzen du, merkatuko unerik suntsitzaileenetako batera iristeko: 1983ko uholdeetara. 80ko hamarkadan eta ondorengoetan, instalazioak suspertu egin ziren, eta, berreraikuntzarako eta modernizaziorako ahalegin, dedikazio eta baliabideekin, Mercabilbao 2021era arte iritsi da, itxaropenez betetako etorkizunerako ikuspegiarekin, Bilboko eta inguruko eraldaketa ekonomiko eta soziala sustatzeko gai den zerbitzu-enpresa publiko gisa.

Ildo horretan, erakusketak elikagaien hornidura merkatuaren plan estrategikoaren erreferentzia-puntuak ere ikusarazten ditu. Iraunkortasunarekin eta erantzukizun sozialarekin, kontsumo arduratsuarekin eta elikagaien eta ingurumenaren xahuketaren kontra duen konpromisoa; hurbileko merkataritzari eta ostalaritzari laguntzea, instalazioetan dauden handizkako enpresen bezero nagusi gisa, hori baita Mercabilbaoren izateko arrazoia.

1971ko maiatzaren 3an, Arrain eta Fruta eta Barazki Merkatu Zentralak jarri ziren martxan Elikadura Unitatean, Basauriko Artunduagako zelaien egungo kokalekuan. 2021eko egun horretan bertan, Elikagaien Unitateak, Zazpikaleetako geltokian (Unamunoko irteeran) erakusketa bat inauguratuz ospatu zituen urrezko ezteiak, eta, ondoren, erakusketa Bilboko Metroaren Indautxuko geltokira lekualdatu zen.

Prentsa oharra deskargatu

MERCABILBAOK BERE 50. URTEURRENAREN OSPAKIZUNA HASIKO DU, BILBOKO METROAN EGINGO DEN ARGAZKI ETA INFORMAZIO ERAKUSKETA BATEKIN

Gaur, 2021eko maiatzaren 3a, Mercabilbaoko egutegian markatutako eguna da. Duela 50 urte, 1971n, Arrain eta Fruta eta Barazki Merkatu Zentralak jarri ziren martxan Elikadura Unitatean, Basauriko Artunduagako zelaietan dagoen egungo kokalekuan. Efemeride hori Metro Bilbaoko Zazpikaleetako geltokian (Unamuno irteera) egingo den argazki eta informazio erakusketa batekin hasiko da. Erakusketa gaurtik maiatzaren 30era bitartean egongo da ikusgai.

Inaugurazio ekitaldian Xabier Ochandiano Bilboko Udaleko Garapen Ekonomiko, Merkataritza eta Enplegu Zinegotzia, Aitor Argote Mercabilbaoko Zuzendari Nagusia eta Eneko Arruebarrena Metro Bilbaoko Zuzendari Nagusia egon dira. 

Mercabilbaoren urrezko ezteiek hornidura-zentroaren mugarri historiko eta estrategikoetatik ibilbide bat egitea merezi dute. Urtez urte, hainbat erakunde solidariorekin duen konpromiso soziala indartzen du, Bizkaiko Elikagaien Bankuarekin, besteak beste, duela 25 urte baino gehiagotik kolaboratzen baitu horrekin, eta baita elikagaien jasangarritasunarekin ere; gainera, penintsulako iparraldeko eremuan erreferentzia bihurtu da, elikagaiak merkaturatzeko duen gaitasunarengatik eta bere kokaleku estrategikoarengatik. Bi ezaugarri horiek nazioartekotze-estrategia eraginkor eta kalitatezkoa gauzatzeko punturik onenean jartzen dute merkatua.

12 paneleko ibilbidearen bitartez, erakusketak merkatuaren jatorriaren gertakari historikoak biltzen ditu, handizkako arrainaren salmenta Erriberako Merkatuaren behealdean eta frutak eta barazkiak haren inguruetan eta gertu dagoen Erronda kalean zeuden garaikoak. Bilboko itsasadarreko elikagaiak banatzeko bi gune estrategiko; bertatik baratzeko produktuak, barazkiak, hegaztiak, haragia eta arraina saltzen ziren. Hari narratiboak duela 50 urte Basauriko lurretan zegoen Mercabilbaoren hastapenetan zentratutako bi panelekin jarraitzen du, merkatuko unerik suntsitzaileenetako batera iristeko: 1983ko uholdeak. 80ko hamarkadan eta ondorengoetan instalazioak suspertu egin ziren, eta, berreraikuntzarako eta modernizaziorako ahalegin, dedikazio eta baliabideei esker, Mercabilbao 2021era iritsi da, gerora begira etorkizun handia erakusten duen ikuspegiarekin, Bilboko eta inguruko eraldaketa ekonomiko eta soziala sustatzeko gai den zerbitzu-enpresa publikoa izanda.

Ildo horretan, erakusketak elikagaiak hornitzen dituen Merkatuaren plan estrategikoaren erreferentzia-puntuak ere ikusarazten ditu. Jasangarritasunarekin eta erantzukizun sozialarekin, kontsumo arduratsuarekin eta elikagaien eta ingurumenaren xahuketaren aurrean duen konpromisoa; hurbileko merkataritzari eta ostalaritzari laguntzea, instalazioetan dauden handizkako enpresen bezero nagusiak eta Mercabilbaoren izateko arrazoia direlako.

 

 

Prentsa oharra deskargatu

MERCABILBAOK 632 TONA EMAN DIZKIO BIZKAIKO ELIKAGAIEN BANKUARI 2020AN

Mundu mailako pandemiak markatutako urte honetan, Mercabilbaok leial jarraitu du gehien behar duten pertsonekin duen konpromisoarekin eta lankidetzarekin. Izan ere, 2020an Elikagai Unitatean lan egiten duten handizkako enpresek 632 tona elikagai eman dizkiote Bizkaiko Elikagaien Bankuari, hau da, aurreko ekitaldian baino % 24,8 gehiago. Urtero bezala, dohaintza gehienak frutak eta barazkiak izan dira.

Guztira, handizkako 27 enpresak egin dute ekarpena, eta 2020 osoan, Bizkaiko Elikagaien Bankuak guztira 1.800 tona genero kudeatzeari lagundu diote. Mercabilbaotik iritsitako dohaintza Bizkaiko Elikagaien Bankuak kudeatutako guztizkoaren % 35,1 izan da.

Irabazi-asmorik gabeko erakunde horrek elikagaien banaketa zentroko instalazioetan dagoen biltegi batetik gauzatzen du bere jardueraren parte bat. Biltegi horretan, boluntario talde batek, handizkariek emandako elikagai-soberakina sailkatu eta, gizarte helburuak dituzten erakundeen artean banatzen du, parrokien, gizarte-jantokien eta laguntza-zentroen artean, besteak beste.

Horrela, osasun-alarmaren ondorioz diru-sarrera barik geratu diren pertsonen gizarte-larrialdi egoerak markatu du 2020a. Duela urtebete pasatxo hasitako etxeko konfinamenduaren lehen asteetan, Bizkaiko Elikagaien Bankuaren biltegian ez zen jarduerarik egin. Bien bitartean, Mercabilbaok Elkarteari utzitako lokala desinfektatzeko eta garbitzeko protokoloa indartu zuen, ezarritako osasun-segurtasuneko neurriak betetzeko eta pertsona guztien osasuna babesteko. Gaur egun, protokolo hori gainerako instalazioetan bezala egiten da.

Mercabilbaok urtez urte gero eta Merkatu jasangarriagoa lortu gura du, eta, adierazi duenez, “Ez dago existitzen ez dena baino hondakin hoberik, eta Bizkaiko Elikagaien Bankuari egindako dohaintzaren kudeaketaren bidez, gizarte-lanaz gain, ingurumen arloko onura ere lortzen dugu, hondakinak sortzea saihestuz”.

Prentsa oharra deskargatu

BILBOKO ALKATEAK MERCABILBAOREN AINTZATESPENA EMAN DIE BILBAO DENDAK ELKARTEARI ETA BIZKAIKO OSTALARITZARI, OSASUN-KRISIAN EGIN DUTEN AHALEGINARENGATIK

Juan Mari Aburto Bilboko alkateak, Xabier Ochandiano Ekonomiaren Garapen, Merkataritza eta Enplegu zinegotziak eta Aitor Argote Mercabilbaoko Zuzendari Nagusiak lagunduta, zuzenean eman die Javier Gardeazabal Bilbao Dendak Elkarteko presidenteari eta Boni García Bizkaiko Ostalaritza Elkartekoari, elikagaien banaketa-zentroak osasun-krisi honetan zehar gertuko saltoki guztiek egin duten ahalegina bereizteko MERCABILBAO banatzen ari den aintzatespena.

Aste honetako 23an eta 24an, Mercabilbao aintzatespena ematen ari zaie Bilbao Dendak osatzen duten 13 merkatari Elkarteei eta Bizkaiko Ostalaritza Elkarteari. “Gertu erosiz, urruti iritsiko gara” lelopean, Gurutze Beitia aktorea, kanpainaren irudia, diploma bat eta Bilboko alkatearen gutun bat ematen ari zaie elkarte bakoitzeko ordezkariei, Hiribilduko hainbat leku garrantzitsutan.

Gaur, Alkatea izan da aintzatespenak banatu dituena eta gogorarazi ditu “betiko ultramarino-denda, fruta-denda, arrandegi, harategi eta okindegiek, auzo bakoitzean daudenek, etxe ingurukoek, lanari ekin zenioten, herritarrentzako beharrezko zerbitzuarekin jarraitzeko”.

Binilo banaketa

Halaber, datozen egunetan, Elikagaien Unitateko langileek alkatearen gutuna eta 250 binilo inguru banatuko dituzte Bilboko elikagai-saltokien artean, Mercabilbaok eskaintzen duen kalitate-zigilu gisa euren lokaletan jar ditzaten. Horrez gain, eskerrak emango dizkiete elikadura-zentroan diharduten handizkako enpresetan egunero jartzen duten konfiantzarengatik. Binilo bakoitzak Gurutze Beitia aktorearen argazki bat eta kanpainaren goiburu nagusia den “Gertu erosita, urrutira iritsiko gara” esaldia ditu.

Ekimen hori, 2019aren amaieran Mercabilbaok bultzatu zuen eta hiru helburu argi lortu gura zituen “Jaten duguna garelako. Gertu erosita urrutira iritsiko gara” kanpainaren barruan dago: merkataritzaren arloan belaunaldien arteko erreleboa bultzatzea, elikadura osasungarria sustatzea eta elikagaien banaketaren merkatuan gauzatzen den jarduera ekonomikoari balioa ematea.

Ildo horretan, eta bere plan estrategikoarekin bat etorriz, kanpaina osoaren bidez, elikagaiak banatzeko zentroak indartu egiten du enpleguarekiko, kontsumo arduratsuarekiko, ingurumenarekiko eta elikagaiak alferrik ez xahutzeko duen gizarte-erantzukizuna. Begirada bat etorkizuneko Mercabilbaori, Hiribilduaren eta bere ingurunearen eraldaketa ekonomikoa eta soziala sustatzeko gai den zerbitzu-enpresa publikoa.

 

BILBAO DENDAK-EKO ELKARTEAK

  • Basurtuko Merkatarien Elkartea. Basurto Berri
  • Bilbao Centro Enpresa-elkartea
  • Zazpi Kaleetako Merkatarien Elkartea
  • Deustuko Merkatarien Elkartea. Deusto Bizirik
  • barrutiko Merkatarien Elkartea. Auzoa berritzen
  • Otxarkoagako Merkatarien Elkartea
  • Errekaldeko Merkatarien Elkartea. Errekalde Bihotzean
  • San Frantziskoko, Bilbo Zaharreko eta Zabalako Merkataritza eta Enpresa Elkartea
  • San Inazioko, Elorrietako eta Ibarrekolandako Merkatarien Elkartea. Hiru Auzo
  • Santutxuko Merkatarien Elkartea
  • Txurdinagako Merkatarien Elkartea
  • Zorrotzako Merkatarien Elkartea. Laguntasuna
  • Erriberako Merkatuko Merkatarien Elkartea

 

Prentsa oharra deskargatu

Nabarmendutako gaurkotasuna

Albistea

Mercabilbaok kalitate-eta ingurumen-kudeaketako estandar aurreratuak berresten dituzten ISO 9001 eta 14001 ziurtagiriak berritu ditu

Gehiago irakurri

Iragarki ofiziala

Ohizko Bazkide Batzar Orokorra

Gehiago irakurri

Prentsa oharra

MERCABILBAO BERE JATORRIRA ITZULIKO DA, BERE 50. URTEURRENA OSPATZEKO ERRIBERAKO MERKATUAN EGINGO DEN ARGAZKI ERAKUSKETA BATEKIN

Gehiago irakurri

Urteko txostena

2020 urteko txostena

Deskargatu

Sartu bideoen atalera

Ikusi bideoak

Argitalpena

2020 urteko txostena

Deskargatu

Norberaren cookieak, hirugarrenenak eta nabigazio-ohiturak aztertzekoak erabiltzen ditugu gure zerbitzuak hobetzeko informazioa biltzeko Nabigatzen jarraitzen baduzu, haien instalazioa onartzen duzu. Cookieak konfiguratu ditzakezu zure nabigatzailean, baina horrek nabigatzeko zailtasunak eragin ditzake webgunean.

Nola konfiguratu Onartu